ڕۆژا سێشەمبی ڕێـککـەفتی (٢٠٢٥/٢/١١) خانم (لوجینا) ڕێڤەبەرا پرۆژێ (GIZ-EPSI) ل هەرێما کوردستانێ عێراقێ و شاندێ لگەلدا ب مەرەما پێکڤە کارکرن و هەڤکاری و هەماهەنگیێ سەرەدانا زانکۆیا زاخۆ کرن.
د ڕوینشتنەکێدا ب ئامادەبوونا ڕێزدار (پ.د. ناظم سليمان عبدالعزيز) سەرۆکێ زانکۆیێ و لگەلدا بەرێزان (پ.هـ.د. جاسم محمد عبدو) هاریکارێ سەرۆکێ زانکۆیێ بۆ کاروبارێن زانستی و خواندنا بلند و (پ.هـ.د. محمد حسن خمو) هاریکارێ سەرۆکێ زانکۆیێ بۆ کاروبارێن کارگێری و دارایی و (پ.هـ.د. رمضان جعفر مصطفی) هاریکارێ سەرۆکێ زانکۆیێ بۆ کاروبارێن قوتابیان، چەند بابەتێن گرنگ یێن گرێدایی بیاڤێن (زانستی، ژینگەهـ، پەروەردەی، پشتەڤانی و پێشڤەبرنا پرۆژەیێن قوتابیان، ڤەکرنا خۆلان... هتد) هاتنە بەحسکرن، پاشان ژلایێ زانکۆیێ ڤە چەند پێشنیار و پرۆژە هاتنە بەرچاڤکرن، ڕێکخراوا ناڤبری ب خۆشحالیڤە ئامادەبوون و پشتەڤانیا خۆ بۆ هەر پرۆژەکێ د خزمەتا زانکۆیێ و قوتابیان دا بیت دەربڕی، وەسا دانە دیارکرن بۆ بەردەوامی و بهێزکرنا پەیوەندییێن هەردۆک ئالیان دێ دانوستاندن د بەردەوامبن.